Ідэя рэалізацыі праграмы

Рэалізацыя дадзенай праграмы 
разлічана на перыяд адной лагернай змены (18 дзён). 

Легенда лагеря:

Здарылася гэта вельмі даўно, калі свет, у якім мы жывём, толькі-толькі зачынаўся.  Зямлі тады яшчэ ні было. Усюды стаяла мёртвая вада, а пасярод яе тырчаў  вялікі камень.  Раптам насунулася навальніца і давай  цаляць маланкамі проста ў камень. Ад вогненных стрэл пырснулі з каменя іскрынкі – белыя, жоўтыя,  чырвоныя.  Упалі  белыя іскрынкі ў ваду. Закіпела, скаламуцілася вада,  і ўвесь той стары свет памуціўся , аж нічога не стала відно. Калі ж навальніца аціхла, у свеце шмат чаго перамянілася: вада адступіла, усюды, як акінуць  вокам, разляглася зямля.  Закружылі белыя іскрынкі ў паветры і неўзабаве  ў   вадзе і на зямлі з’явілася жыццё. Завяліся рыбы, птушкі, усялякія звяры. Потым і чалавек з’явіўся. Замкі будаваць пачаў і Храмы. Песні спяваць і казкі разказваць.  Праўда, цяпер ніхто не скажа, ці ён тут нарадзіўся , ці аднекуль прыйшоў. А жоўтыя іскрынкі ўзняліся ўверх і зазіхацелі зоркамі рознай велічыні.  І толькі зоркі – іскрынкі нагадваюць аб таямніцах роднай зямлі.

Даследваць усе таямніцы Малой Радзімы  магчыма праз арганізацыю падарожжаў.

 Гульнявы сюжэт лагернай змены прадугледжвае арганізацыю турыстычнага агенцтва «ПаРаДаК».

Агенцтва мае свае назвы і свой цэнтр кіравання:

Турыстычнае агенцтва - штаб дзейнасці лагера.

Турыстычныя групы – атрад, звенні.

Гасцініца – атрадны пакой.

Дырэктар агенцтва (начальнік лагера) - кіруе, наладжвае кантакты з тураператарамі іншых гарадоў, краін. 

Менеджэр па турызме (старэйшы выхавальнік) - працуе з кліентамі, выбірае напрамкі маршрутаў, узгадняе месца знаходжання кліентаў. 

Топ-менеджэры (дзеці) –ствараюць рэкламы агенцтва, прайс-лістоў, буклетаў, каталогаў, фотогазеты. 

Тураператар (выхавальнікі) - рыхтуе візы, афармляе пашпарты турыстам.

Старэйшы памочнік тураператара (камандзір атрада)

Экскурсавод (выхавальнікі) - сустракае турыстаў, знаёміць з праграмай турыстычнага адпачынку, праводзіць экскурсіі.

Гіды (да кожнага праекту выбіраюцца з выхаванцаў атрада). 

Курьер (дзіця) ​​- адзначае пуцёўкі, прывозіць дакументы. 

Кліенты (бацькі і дзеці) прыходзяць у турагенцтва, цікавяцца напрамкамі турыстычнага адпачынку. Знаёмяцца ​​з рэкламным праектам фірмы, выбіраюць пэўны маршрут экскурсіі або адпачынку і афармляюць у аператара пуцёўку. 

Турысты сустракаюцца з экскурсаводам і засяляюцца ў гасцініцу. 

 З экскурсаводам адпраўляюцца ў экскурсійную паездку. Падчас знаёмства з выдатнымі мясцінамі здымаюць іх на відэакамеру, фатаграфуюць. 

Сярод турыстаў створаны творчыя групы (каманды), у якіх функцыянуюць наступныя пасады:

    спорт-лідэр; 

    стылісты-візажысты; 

    аператары; 

    мастакі; 

    пастаноўшчыкі; 

    творчая група; 

    дызайнеры ландшафту, памяшканняў. 

Агенцтва мае сваю назву, эмблему і дэвіз. Усе дзеці на працягу змены ўтвараюць розныя групы для падрыхтоўкі і рэалізацыі творчых праектаў. Новы дзень - новы праект. 

Атрыбуты да сюжэтна-ролевай гульні "Турыстычнае агенцтва»:

    два камп’ютары,

    фотаапарат,

    пуцёўкі,

    рэклама агенцтва,

    прайс-лісты,

    буклеты,

    каталогі,

    карты,

    сувеніры,

    касынкі для супрацоўнікаў агенцтва,

    бэйджыкі,

    фотогазета,

    пашпарты турыстаў.